Teksa qëndroi mbi nëntë orë në SPAK ku u mor në pyetje nga oficerët për tenderin e sterilizimit, gazetari i kronikës Eni Ferhati zbardh detaje nga ajo çka ka folur sot ish-ministri Ilir Beqaj.
Gazetari tha sot në emisionin “Open” se Beqaj ka pohuar para prokurorëve se nuk kishte përgjegjësi. Ferhati shtoi se Beqajt i lexohej frika.
“Pati edhe aludime dhe SPAK kishte të drejtën që zoti Beqaj të dilte me pranga që atje. Por mund të veprohej dhe si në rastin e Kokës, që u arrestua pa marrë në pyetje. Zoti Beqaj me të dretjë, është e kuptueshme, kishte një lloj lodhje, dhe frike. Është e kuptueshme. Sigurisht kur shkon dhe te SPAK, që po jep ato shenjat e para. Ai tender po na merr shumë lekë. Ai ka pretenduar se nuk ka përgjegjësi. Ka qenë pjesë e komisioni të ofertave, që ka lidhur marrëveshje. Por sa i takon tenderave, ka dyshime për korrupsion dhe ryshfet, pasi zoti Beqaj ka pasur njohje me atë që mori tenderin.”, u shpreh Ferhati.
