Mesfushori i Brugge, Ardon Jashari, ka folur në konferencë për media në prag të ndeshjes së Champions kundër Juventusit.
“Ne nuk e shikojmë renditjen, kanë mbetur edhe dy ndeshje dhe do të shohim se çfarë do të ndodhë, por ne nuk e shikojmë renditjen.
Nuk e di nëse janë më të fortë, ata janë një ekip italian dhe si gjithmonë do të jetë i vështirë për t’u përballur. Juventus mundi Milanin, por nuk mund të them nëse ata janë më të fortë.
Ne jemi gati, do të bëjmë lojën tonë. Do të jetë sfida e fundit e kësaj faze të parë të Champions League në shtëpi dhe të shohim se çfarë do të ndodhë, por ne do të bëjmë lojën tonë”, deklaroi Jashari.
