Marshimi i protestuesve, në rrugët e Tiranës thirrje për arrestimin e Edi Ramës

Protestuesit vijuan edhe mbrëmjen e sotme marshimin në rrugët e kryeqytetit, ku dëgjoheshin thirrjet kundër qeverisë, kryeministrit Edi Rama dhe krejt klasës politike në vend. 

Mes thirrjeve kishte edhe nga ato qe kërkonin arrestimin e kryeministrit. “Arrestoni Ramën!”, brohorisnin protestuesit. 

Rezistenca vijon prej 46 ditësh pa ndërprerje. Protesta që fillimisht nisi kundër projektit në Zvërnec, u shndërrua shumë shpejt në revoltë kundër klasës politike dhe kryeministrit Edi Rama.