Themeluesi i Microsoft, Bill Gates, paralajmëron se brenda 20 viteve njerëzimi do përballet me një pandemi të re. Prejardhja e pandemisë, sipas Gates, do të jetë diku nga natyra. Popullsia po rritet dhe po e kërcënojmë çdo herë e më shumë ekoksistemin.
Për këtë parashikoj se ekzistojnë 50 për qind të gjasave se do të kemi pandemi të re me prejardhje diku nga natyra, dhe kjo do të ndodhë në 20 vitet e ardhshme si rezultat i ndryshimeve klimatike’, theksoi miliarderi amerikan për të përditshmen spanjolle El Diario.
Gates së fundmi ka nxjerr në shitje librin “Si të mbrohemi nga pandemia e ardhshme”, ku ka shpjeguar se pandemia e ardhshme do të mund të jetë si grip, një lloj i ri i virusit nga familja e koronaviruseve.
Bill Gates ka qenë pjesëmarrës aktiv i përpjekjeve globale sa i përket shpërndarjes së ilaçeve dhe vaksinave kundër COVID-19.
