Kristjan Asllani rinovoi me Inter para disa muajsh deri në 30 Qershor të 2028, por kjo nuk është garanci për të ardhmen. Paraqitjet në ndeshjet e fundit sipas mediave italiane kanë rikthyer diskutimin për largimin e tij.
“Corriere dello Sport” shkruan se Asllani nuk po arrin të shkëlqejë kur i jepet mundësia dhe pjesa e dytë e sezonit do të jetë një provë e fortë për të.
Këtë sezon 22-vjeçari është aktivizuar në 15 takime në të gjithë aktivitetet dhe vetëm në 3 raste si titullar. I parë si zëvendësuesi i Hakan Çalhanoglu, gjen më së shumti hapësirë kur dëmtohet mesfushori turk.
Në dyshim është vendosur edhe Davide Frattesi, i cili pritet të largohet verën e ardhshme. Për Kristjan Asllanin në mediat italiane është përmendur një interesim nga Bologna.
