Rënia në ligën e dytë spanjolle ishte një dramë sportive për Espanjolin. Sezoni zhgënjyes i shkaktoi probleme të mëdha edhe arkave të klubit.
Skuadra nga Barcelona tashmë është në krizë të vërtetë financiare dhe kjo e ka detyruar të shesë disa prej yjeve të ekipit. Në merkato ka përfunduar edhe mesfushori i Kombëtares, Keidi Bare, që vetëm pak javë më parë cilësohej i paprekshëm, pasi ishte pjesë thelbësore e projektit.
25-vjeçari kuqezi ka kontratë deri në vitin 2025 dhe te Espanjol duan ta shesin, që mos ta humbasin me parametër zero në të ardhmen.
