Katër kapitenë të rinj gati për të udhëhequr ekipin. Në Barcelonë është koha për ndryshime. Pas lamtumirës së dy senatorëve si Sergio Busquets (kapiteni i fundit i klubit) dhe Jordi Alba te Inter Miami, ka nevojë për një rinovim. Duke humbur dy figura kaq të rëndësishme në dhomat e zhveshjes, dikush duhet t’i zëvendësojë dhe të marrë rolin e liderit. Për të kryer këtë mision, drejtuesit katalanas kanë emëruar katër kandidatë të mundshëm të shiritit: Sergi Roberto (kapiteni i “parë”), Ter Stegen, Araujo dhe De Jong.
Barcelona ka humbur dy lojtarë shumë të rëndësishëm për sa i përket drejtimit dhe peshës specifike në dhomën e zhveshjes. Busquets i tha lamtumirë klubit blaugrana pas 15 sezonesh. Një jetë në këto ngjyra. Mesfushori, edhe pse shpesh i nënvlerësuar, ishte një nga gurët e themelit të formacionit të aftë për të dominuar në Spanjë dhe Europë. Ai u preferua nga të gjithë teknikët, fillimisht Guardiola e më pas Luis Enriken. Jordi Alba, i cili u kthye në Katalonjë në vitin 2012 pas një periudhe të kaluar në akademi, ishte gjithashtu një lojtar i paçmuar në tabelën e shahut të Barçës në dekadën e fundit. Megjithatë, të dy vendosën të largohen nga klubi këtë verë, për tu bashkuar me Lionel Messi në Shtetet e Bashkuara.
BARCELONA ZGJEDH KAPITENIN E RI
Do të jenë katër lojtarë që do të marrin trashëgiminë e Busquets, mbajtës i shiritit që nga lamtumira e Messi në vitin 2021. Barcelona ka caktuar Sergi Roberto, Ter Stegen, Araujo dhe De Jong si pasardhës. Të katër janë të gatshëm për të ndarë rolin me këtë renditje hierarkike. Sergi Roberto kapiteni i parë dhe më pas tre të tjerët. Ter Stegen do të jetë zëvendësi i kapitenit të parë.
Duke i thënë lamtumirën Busquets dhe Jordi Alba, një epokë te Barcelona merr fund. Tani katër pasardhësit duan të jenë gurët e themelit të të ardhmes.
