Qeveria e kryeministrit bullgar Kiril Petkov është rrëzuar me vota në Parlament. Rrëzimi i qeverisë bullgare erdhi pasi mocionit të mosbesimit nga ana e opozitës ku u votuan 123 vota pro shkarkimit nga 116 kundër. Ky vendim vjen në një moment kur Bullgaria pritet të heqë veton ndaj Maqedonisë së Veriut për të ecur përpara me negociatat me Bashkimin Evropian. Tashmë pritet që vendi të shkojë drejt zgjedhjeve të parakohshme.
