“Protothema”/ Rama sulmoi dhe talli gazetarin grek: Nuk je pasardhës i Aristotelit

Kryeministri i Shqipërisë shkoi deri aty sa tha se Mali i Zi, me 13,810 kilometra katrorë dhe 623,000 banorë, “është vendi më i madh dhe më i rëndësishëm në rajon”.

Nga “Protothema”/ Kryeministri i Shqipërisë Edi Rama bëri një sulm të paprovokuar ndaj një gazetari greko-amerikan i cili po moderonte diskutimin në të cilin ai po merrte pjesë, gjatë Samitit të Zhvillimit të Qëndrueshëm në Abu Dhabi. Ndër të tjera, Rama i tha atij “ti nuk je pasardhës i Platonit dhe Aristotelit siç mendon”, ndërsa e akuzoi atë për uljen e vlerës ekonomike të marrëveshjes së Tiranës me Arabinë Saudite.

E gjitha filloi kur moderatori me origjinë greke John Defterios, një gazetar për dekada në CNN, shqiptoi gabim emrat e Edi Ramës dhe kryeministrit malazez Milojko Spajiç gjatë prezantimit të tyre.

Sapo të dy udhëheqësit dolën në skenë për debatin, kryeministri malazez thjesht e korrigjoi Defterion për gabimin e tij, pasi në fakt u nxit nga vetë gazetari. Menjëherë pas kësaj, edhe Edi Rama e korrigjoi, por dukshëm i acaruar, duke e akuzuar se i kishte shqiptuar emrat gabimisht sepse është grek.

Në vazhdim të debatit dhe teksa po diskutonin për investimet në energji që po bëhen në Shqipëri, Edi Rama tha “le ta falënderojmë mentorin tonë Sultan Al Jaber” (Ministri i Energjisë i Emirateve të Bashkuara Arabe) dhe e pyeti Defterion nëse e njihte. Gazetari, nga ana e tij dhe për hir të humorit, u përgjigj me një buzëqeshje “si mund të mos e dish se kush është ai (Sulltani Al Jaber)”, duke ftuar audiencën të duartrokiste.

Kryeministri shqiptar, i cili me sa duket nuk e kuptoi shakanë, e talli gazetarin duke i thënë: “Si grek, duhet ta kishe njohur. Kështu bën ti, gjithmonë i nënvlerëson njerëzit sepse mendon se ke monopol mbi filozofinë dhe je trashëgimtar i drejtpërdrejtë i Platonit dhe Aristotelit”, duke shtuar menjëherë më pas: “Por ti nuk je.”

Sulmet e Edi Ramës ndaj gazetarit dhe origjinës së tij nuk u ndalën me kaq, pasi drejt fundit të diskutimit të tyre, ai iu drejtua përsëri në mënyrë agresive pwr shumwn e një investimi në Shqipëri. Gazetari foli për 1 miliard, por Rama e korrigjoi dy herë, duke i thënë se ishte më shumë. “Jo, përsëri po llogarit si grek. Kur flet për paratë e tua, shton 3 zero. Kur flet për paratë e të tjerëve, zbret 3 zero. Kjo është ajo që bën. Kjo është arsyeja pse BE të do kaq shumë.”

REPLIKAT

John Defterios: Le të përshëndesim Shkëlqësinë e Tij, Edi Rami, Kryeministër i Shqipërisë. Më vjen mirë që ju shoh, Edi. Mund të uleni. Dhe Shkëlqësinë e Tij, Malicho Spasic, Kryeministër i Malit të Zi. Do t’ju lejoj të më korrigjoni tani, ja ku jeni.

Milojko Spaic: Milojko Spaic.

John Defterios: Oh, Speighc, në rregull. Unë kam një theks italian dhe grek.

Edi Rama: Është Edi Rama, jo Rami.

John Defterios: (qesh) Pata një fillim fantastik me ju të dy.

Edi Rama: Je grek, apo jo?

John Defterios: Unë jam grek, po.

Edi Rama: Kjo është arsyeja pse i shqiptove gabim emrat tanë. Këtë bën ti. E di sepse jemi fqinjë dhe e di shumë mirë.

John Defterios: (qesh) Jam i lumtur që ju kam të dyve.

…..

Edi Rama: Mentori ynë, ai është njeriu që mbajti një nga fjalimet më të mira që kam dëgjuar ndonjëherë dje. Emri i tij është Dr. Sultan Jaber. Nuk e di nëse e njihni.

John Defterios: Vërtet? Nuk jam i sigurt…

(të qeshura dhe duartrokitje)

Edi Rama: Si grek, duhet ta njohësh më mirë.

John Defterios: Nuk e di se sa kohë më gjatë mund ta kem njohur.

Edi Rama: Ti gjithmonë i nënvlerëson njerëzit. Mendon se ke monopol mbi filozofinë dhe se je trashëgimtar i Platonit dhe Aristotelit. Por nuk je.

John Defterios: Me gjithë respektin e duhur…

Edi Rama: Duhet të mbarojmë, nuk dua të humbas kohë me këtë vend të madh, Malin e Zi. Mali i Zi është vendi më i madh dhe më i madh në rajonin tonë, ka 50 milionë qytetarë, ne jemi një vend i vogël, Serbia është më e madhe, por Mali i Zi është i vetmi. Më vjen keq, por do ta lëmë me një ëmbëlsi në fund.
……

John Defterios: Është e mahnitshme, një projekt prej 1 miliard dollarësh po zbatohet.

Edi Rama: Është më shumë se 1 miliard.
John Defterios: Një investim prej një miliardi së bashku me 3 projekte të tilla.

Edi Rama: Është më shumë se 1 miliard.

John Defterios: Vazhdo.

Edi Rama: Përsëri, ti llogarit si grek. Kur flet për paratë e tua, shton 3 zero shtesë. Kur flet për paratë e të tjerëve, zbret 3 zero. Kjo është ajo që bën. Kjo është arsyeja pse BE-ja të do kaq shumë.