SPORTTOP-NEWS

Lara Colturi impresionuese, 20 vjeçarja merr fitoren e parë në slalomin e Gurgl

Lara Colturi me kohën 1.45.47 ka arritur të triumfojë në moshën 20 vjecare slalomin special në Gurgl. Ky është suksesi i parë në karrierë për talentin kuqezi

Lara Colturi me kohën 1.45.47 ka arritur të triumfojë në moshën 20 vjecare slalomin special në Gurgl. Ky është suksesi i parë në karrierë për talentin kuqezi pas nëntë podiumesh dhe është edhe i pari për Shqipërinë në Kupën e Botës, duke bërë që FISI (Federata italiane e sporteve dimërore) të kafshojë duart për sherrin që e detyroi italianen të kapërcejë Adriatikun për të mbrojtur ngjyrat kuqezi.

Suksesi vlen edhe, me 260 pikë, vendin e parë në klasifikimin e përgjithshëm të Kupës. Në podium me Larën janë edhe suedezet Sara Hector (1.45.74) e Anna Sëenn Larsson (1.45.77). Në këtë pikë, skiatorja më e mirë italiane është Lara Della Mea: ishte e treta pas manshit të parë por e mbylli e nënta me 1.46.5.

Çfarë ndodhi në Gurgl?

Fitorja e parë e 20-vjeçares në këtë nivel të garave erdhi dy vite pas podiumit të saj të parë, gjithashtu në Gurgl. Colturi – vajza e Daniela Ceccarellit, kampiones olimpike të vitit 2002 për Italinë në disiplinën super-G – përfundoi 0.27 sekonda përpara suedezes Sara Hector, pas dy zbritjeve. Suedezja tjetër, Anna Swenn Larsson, kishte vendosur kohën më të mirë në zbritjen e parë, por e përfundoi garën në vendin e tretë, me 0.30 sekonda diferencë, pasi regjistroi kohën e dhjetë më të shpejtë në zbritjen e dytë.

Colturi e ka nisur sezonin në mënyrë fantastike, me dy vende të dyta në dy garat e para – në sllallomin gjigant në Soelden dhe në sllallomin në Levi. Në zbritjen e parë asgjë nuk ishte e sigurt, pasi Colturi e nisi garën në kushte mjegulle të dendur, të cilat shumë prej konkurrenteve të saj arritën t’i shmangnin. Megjithatë, Colturi arriti të kufizonte dëmin, duke përfunduar e dyta në zbritjen e parë, përpara se të zhvillonte një paraqitje të fortë në të dytën, ku u rendit e treta, pas zviceranes Camille Rast dhe Sara Hector, duke siguruar fitoren. “Në të vërtetë, tani nuk arrij as të marr frymë për të folur”, tha ajo më pas. “Duket diçka joreale”.

E lindur dhe e rritur në Itali, Colturi zgjodhi të përfaqësonte Shqipërinë në vitin 2022, pavarësisht se nuk kishte asnjë lidhje me vendin. Shqipëria po përpiqet të zhvillojë industrinë e skive në vend dhe i ofroi asaj një mundësi për të arritur shpejt në qarkun e Kupës së Botës. “Kjo është e çmendur”, tha ajo për arritjen e fitores së parë për Shqipërinë. “Skiimi alpin po bëhet gjithnjë e më i famshëm në Shqipëri, ndaj jam shumë mirënjohëse”.

Colturi tashmë kryeson renditjen e përgjithshme të Kupës së Botës dhe atë të sllallomit, përpara gjermanes Emma Aicher, e cila e përfundoi garën e ditës në vendin e tetë. Sezoni i Kupës së Botës vazhdon të dielën me garën e sllallomit për meshkuj në Gurgl.

Leave a Reply

Your email address will not be published. Required fields are marked *

Back to top button