Autobusi i “Unazës” përplaset me disa mjete, 3 të plagosur

Një aksident i rëndë ka ndodhur në zonën e Shallvareve . Një autobus i linjës së Unazës është përplasur me dy makina. Njëra prej makinave ka devijuar dhe ka përfunduar në stacion.

Tiranë/Informacion paraprak

Më datë 27.02.2023, rreth orës 11:35, në vendin e quajtur Ura e Tajvanit, një autobus i linjës së Unazës është përplasur me disa automjete.

Si pasojë janë dëmtuar 3 shtetas të cilët ndodhen nën kujdesin e mjekëve. Në vendngjarje ndodhen shërbimet e ambulancës me stafin mjekësor dhe shërbimet e Policisë.