Tuesday, May 28, 2024
spot_imgspot_imgspot_imgspot_img
HomeAKTUALITETZjarret në Kuman dhe Gjorgoz, policia arreston një shtetas, një tjetër hetoet...

Zjarret në Kuman dhe Gjorgoz, policia arreston një shtetas, një tjetër hetoet i lir

Fier – Vihet në pranga 1 shtetas dhe procedohet penalisht 1 tjetër, autorë të dyshuar të 2 rasteve të zjarrvënieve.

Si rezultat i punës për parandalimin dhe goditjen e rasteve të zjarrvënieve të qëllimshme apo nga pakujdesia, si dhe për identifikimin dhe vënien përpara përgjegjësisë ligjore të autorëve të tyre, shërbimet e Policisë së Fierit kanë konstatuar dhe goditur 2 raste të kësaj veprimtarie të kundërligjshme.

-Specialistët për Hetimin e Krimeve të Komisariatit të Policisë Fier arrestuan shtetasin F. K., 40 vjeç, banues në Zharrëz, pasi në kodrat e fshatit Kuman, ka ndezur zjarr për djegien e barërave në tokën e tij dhe si pasojë e përhapjes së flakëve, janë djegur edhe sipërfaqe toke me shkurre dhe me ullinj, në pronësi të shtetasve të tjerë.

-Specialistët për Hetimin e Krimeve të Komisariatit të Policisë Mallakastër referuan materialet në Prokurori dhe nisi procedimi në gjendje të lirë për shtetasin T. I., 60 vjeç, pasi në fshatin Ngreçan, Mallakastër, ka ndezur zjarr për djegien e barërave në tokën e tij dhe si pasojë e përhapjes së flakëve, janë djegur sipërfaqe toke me shkurre dhe barëra, në pronësi të shtetasve të tjerë.

Materialet i kaluan Prokurorisë, për veprime të mëtejshme.

Drejtoria Vendore e Policisë Fier apelon për të gjithë banorët, që në asnjë rast, të mos shkaktojnë zjarrvënie, pasi do të përballen me ligjin. Gjithashtu, fton qytetarët që të denoncojnë në numrin pa pagesë 112, çdo rast të zjarrvënies apo të paligjshmërive në tërësi, duke iu garantuar anonimatin, reagim të shpejtë dhe të paanshëm.

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME