Një person i armatosur i veshur me jelek të blinduar u përpoq të hynte në një zonë kontrolli sigurie në një zyrë në terren të FBI-së në Ohio të SHBA. Mediat amerikane shkruajnë se më pas u largua, por u plagos në një shkëmbim zjarri në përplasje me forcat e rendit.
Konfrontimi në zyrën e FBI-së në Cincinnati vjen teksa zyrtarët paralajmërojnë për një rritje të kërcënimeve kundër agjentëve federalë në ditët pas një kontrolli në pronën e ish-presidentit Donald Trump në Florida.
Zyrtarët federalë thanë se personi ishte “përpjekur të shkelte” zonën e kontrollit të vizitorëve në zyrën e FBI-së dhe u largua kur u përball me agjentët. Ai u ndoq nga forcat e rendit teksa po largohej me makinë.
Më pas i dyshuari ka braktisur makinën dhe është fshehur duke u larguar në këmbë. Zyrtarët kanë ngritur një rreze prej një miljeje dhe u kanë kërkuar banorëve dhe pronarëve të bizneseve të mbyllin dyert dhe të qëndrojnë brenda.
Një ekip i FBI ka mbërritur në vendngjarje për të hetuar. Ditët e fundit ka pasur një sërë kërcënimesh ndaj FBI pas kontrolleve të kryera në shtëpinë e Trump. Ka qenë një faqe në internet e njohur për lidhje me supremacistët e bardhë dhe antisemitët që ka paralajmëruar se po përgatiten për një revolucion të armatosur.
