15 këshilltarët e Bashkisë Poliçan kanë zgjedhur të mos qëndrojnë vetëm në kuadrin e fjalëve dhe deklaratave, por ta shprehin qëndrimin e tyre përmes një akti konkret institucional.
Dorëheqja e tyre në bllok, e mbështetur edhe nga lista pasardhëse e kandidatëve, përbën një qëndresë të fortë ndaj çdo përpjekjeje për shkrirjen apo dobësimin e institucionit të Bashkisë Poliçan.
Mesazhi i tyre është i qartë: nuk bëhet fjalë për mbrojtjen e karrigeve, por për mbrojtjen e institucionit dhe të zërit të komunitetit që i ka zgjedhur.
Në një kohë kur vendimmarrjet administrative mund të ndikojnë drejtpërdrejt në jetën dhe përfaqësimin e komuniteteve lokale, ky veprim shihet si një formë e fortë e reagimit qytetar dhe institucional.
Një qëndrim që meriton vëmendje, sepse demokracia lokale nuk mbrohet vetëm me deklarata, por edhe me akte, përgjegjësi dhe guxim qytetar.
Respekt për guximin dhe vendosmërinë e tyre!
