Sunday, June 23, 2024
spot_imgspot_imgspot_imgspot_img
HomeAKTUALITETProtesta tek Kuvendi/ Berisha e Meta mbajnë fjalime të shkurtra

Protesta tek Kuvendi/ Berisha e Meta mbajnë fjalime të shkurtra

Kreu i Partisë Demokratike Sali Berisha në fjalën e tij në protestën e zhvilluar këtë të enjte jashtë Kuvendit tha se kryeministri Edi Rama është kapur duke vjedhur.

Gjithashtu theksoi se kryeministri përdor kryetaren e Kuvendit Lindita Nikollën për të përjashtuar deputetët demokratë nga Kuvendi sepse kanë frikë nga e vërteta.

“Ky revolucion nuk është mburojë për deputetët e PD dhe as për pushtetin e PD, por për interesat e çdo qytetari, për shqiptarët dhe Shqipërinë. Edi Rama është kapur me vjedhje në flagrancë dhe tani urdhëron Lindën e Parlamentit të përjashtojë deputetë. Nuk ka ndodhur as në diktaturë. Ju vini këtu dhe protestoni edhe për shqiptarët që nuk janë në Shqipëri”, tha Berisha, duke shtuar: “E kanë kthyer parlamentin në pasarelë mode, pasarelë e aksesorëve me para të vjedhura”. 

Kryetari i Partisë së Lirisë, Ilir Meta dha mesazhin e tij për qytetarët nga protesta e opozitës.

“Asgjësimi i demokracisë dhe pluralizmit, është skenari që ka marrë përsipër të zbatojë prej një kohe të gjatë Edi Rama. Vetëm demokracia, e mbron Shqipërinë dhe shqiptaret, ndaj ju përshëndes të gjithëve që në një orë të vështirë keni lënë punët tuaja, angazhimet tuaja, për të treguar vendosmërinë tuaj, për të mbrojtur vendin tonë, kujtimin e ndritur të të parëve tanë që kanë mbrojtur këtë vend. Përmendi traun doktori, ata e kanë qejf traun. Ju bëj thirrje të gjithë atyre që dëgjojnë, mos prisni që t’jua vënë truan te dera e shtëpisë.”, tha ai.

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME