Friday, March 29, 2024
spot_imgspot_imgspot_imgspot_img
HomeAKTUALITETSerat me hashash në Dimal, zbulohen detaje të reja nga aksioni policor.

Serat me hashash në Dimal, zbulohen detaje të reja nga aksioni policor.

Sasia e drogës së sekuestruar është 800 kg, të gjithë të punësuarit vinin nga zonat e veriut, pjesa më e madhe nga Fushë Kruja dhe Lezha. Numri i personave të armatosur që ruanin serat dhe perimetrin ka qënë 9, të gjitha gratë flinin brenda serave. Serat ishin të marra me qera nga dy persona.

Sera ishte në pronësi të shtetasit nga Kutallia Xhimi Dyli dhe ishte marrë me qera kubdrejt pagesës.

Detaje të reja dalin nga hetimet që po kryehen nga Prokuroria e Rrethit Gjyqësor Berat dhe DVP Berat, ku janë duke u marrë në pyetje që prej mëngjesit të sotëm rreth 150 perona të arrestuar në parcelat e hashashit në fshatin Drenovicë në bashkinë Dimal.


Burime të brendshme nga Prokuroria e Beratit konfirmojnë se është sekuestruar 800 kg lënde narkotike (hashash), pjesa me e madhe e paketuar dhe e bërë gati për tregtim.Të njëjtat burime konfirmojnë se, numri i personave të armatosur që janë arrestuar është 9 dhe të gjithë meshkuj, të cilët ruanin parcelat me hashash nga jashtë si dhe prodhimin e hashashit brenda serave. Edhe pse ende nuk bëhet i ditur asnjë gjeneralitet i të arrestuarve, komfirmohet se asnjë nga punonjësit, duke filluar nga gratë që punonin brenda serave në kultivimin, vjeljen dhe paketimin e lëndës narkotike e deri tek drejtuesit, mbikqyrësit, rojet etj nuk janë nga qarku i Beratit.


Burimet e brendshme nga Prokuroria e Beratit konfirmojnë se të gjithë të arrestuarit janë nga zonat e veriut të Shqipërisë, pjesa më e madhe nga Fushë-Kruja dhe Lezha.Po kështu, burime nga Drejtoria Vendore e Policisë Berat bëjnë me dije edhe skemën e funksionimit të kësaj ferme hashashi, që lulëzonte prej më shumë se 3-muajsh në mes të serave të tjera në tokat bujqësore të fshatit Drenovicë. Sera ishte marrë me qera dhe gratë që punonin në të flinin prej mujash brenda serës me një sipërfaqe rreth 2 hektarësh, ku ishin përshtatur edhe ambjente fjetjeje me dyshek me ajër dhe dushe për tu larë.
Sipas policisë, kjo mënyrë funksionimi e fermës së hashashit e ka bërë të vështirë identifikimin e saj, pasi gratë nuk dilnin asnjëherë jashtë, ndërkohë që meshkujt iknin e vinin me mjetet e tyre private në zonë por edhe kjo nuk është dukur e dyshimtë pasi dihej që sera ishte marrë me qera dhe në disa raste, për të mos rënë në sy nga pronarët e tjerë të serave përreth, vileshin dhe ngarkoheshim për tregtim domate e perime të tjera, që kultivoheshin në një perimetër të caktuar brenda kësaj sere. Mësohet se sera është në pronësi të shtetasit Xhimi Dyli,i cili po merret në pyetje nga policia për të bërë të mundur arrestimin e personave që ua kishte dhënë me qera,emrat e të cilëve nuk bëhen të ditur ende.

Parcelat e hashashit në fshatin Drenovicë në bashkinë Dimal u zbuluan dhe asgjesuan mëngjesin e sotëm gjatë një aksioni “top secret” të Drejtorisë Vendore të Policisë Berat dhe Drejtorisë së Përgjithshme të Policisë. Lënda narkotike ishte mbjellë në një sipërfaqe prej 2 hektarësh dhe serat ku ndodhej kanabisi kanë qenë ngjitur me atë të domateve dhe perimeve të tjera të mbjella brenda tyre. Paketimi, sistemimi i drogës dhe përpunimi i saj kryhej brenda serës nga gratë e punësuara nga organizatorët dhe kokat e këtij aktiviteti kriminal.

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME