Shkrumbohet nga flakët banesa në Lushnje, nuk ka viktima

Një banesë është djegur plotësisht në fshatin Delisufaj të Lushnjës. Mësohet se kur ka rënë zjarri në banesë nuk ka pasur asnjë person brenda. Nga flakët janë rrezikuar edhe shtëpitë përreth.

Në vendngjarje kanë shkuar zjarrfikësit dhe kanë shuar në kohë flakët. Dyshohet se shkaku i zjarrit mund të ketë qenë një shkëndijë elektrike.