Greqi – Lamia është zgjuar nga një ngjarje tragjike mëngjesin e së enjtes. Sipas informacioneve të para nga raportimi i lamianow.gr, një 29-vjeçare është gjetur e pajetë në shtëpinë e saj në qendër të qytetit. Bëhet fjalë për një të re me nënshtetësi shqiptare e cila i dha fund jetës.
Sipas të njëjtave informacione të lamianow.gr, aroma e fortë që ekzistonte nga brenda shtëpisë ishte ajo që zgjoi kureshtjen e banorëve të pallatit ku ajo banonte pasi kishte ditë që nuk ishte parë nga askush.
Kur policia hyri në shtëpinë e saj e gjeti të varur me një lak të improvizuar në qafë dhe trupi kish nisur te dekompozohej.
Me shumë gjasa e reja i ka dhënë fund jetës së saj që një javë më parë sipas gjetjeve, ndërsa askush nuk e dinte ende arsyen që çuan të renë drejt krimit fatal për jetën.
