Mediat braziliane shkruajnë se trajneri i ekipit të tyre të futbollit, Tite, do të ndryshojë të gjithë ekipin për duelin e fundit të fazës së grupeve të Botërorit në Katar ndaj Kamerunit. Mirëpo skuadra e dytë që do të luajë për vendin e parë të Kupës së Botës, është treguesi më i mirë se sa ekip i fuqishëm janë.
Brazili në ndeshjen e parë mundi Serbinë me rezultat 2-0 dhe më pas ishte më i mirë se Zvicra dhe fitoi me rezultat 1-0 dhe padyshim që u treguan më të mirët në rrjedhën e deritanishme të kampionatit. Për më tepër, ata dominuan ndeshjet, ishin një ekip shumë më i mirë dhe konfirmuan se janë favoritët e parë për titullin kampion.
Se sa skuadër të fortë kanë është treguesi më i mirë i “skuadrës së dytë” të tyre, pra lojtarëve që nuk janë në plan të parë dhe mediat braziliane zbulojnë se duelin e fundit kundër Kamerunit do ta luajnë lojtarë nga pankina, që në pamje të parë tregon qartë se cilësia në fushë do të jetë pothuajse e njëjtë.
Sipas brazilianëve, portieri Ederson do të jetë në portë, ku përballë tij në mbrojtje luajnë Dani Alves, Militao, Bremer dhe Telles. Në mesfushë do të luajnë Fabinho dhe Bruno Guimaraes dhe katër sulmuesit që do të merrnin një shans nga minuta e parë do të ishin Antony, Marinelli, Jesus dhe Rodrygo.
Nga ky formacion shihet qartë se edhe ekipi i dytë i Brazilit përbëhet nga lojtarë të skuadrave më të mira në botë, me faktin se aty është vetëm veterani Dani Alves.
Siç pritej, Brazili është i pari në tabelën e grupit G me dy fitore nga dy ndeshjet e zhvilluara, Zvicra është e dyta me tre pikë dhe një fitore (Kameruni), ndërsa Serbia dhe Kameruni i përmendur kanë nga një pikë.
