Opinioni publik në Itali i ka kushtuar vëmendje vrasjes së një shqiptareje në Raguza të Italisë.
Brunilda Halla u qëllua me thikë përpara shkollës së djalit të tij nga një i ri italian. Autori 28-vjeçar u arrestua nga policia. Ai rrëfeu se sulmi vdekjeprurës ishte momental dhe i pajustifikuar. Mediat publikuan pamjet e shpërndara nga policia me thikën e përgjakur në rrugicat e qytetit.
“Tre imazhe tronditëse. Ai që i afrohet dhe më pas, pasi e ka goditur me thikë, ia mbath. Falë këtyre fotove, 28-vjeçari i dyshuar si autori i vrasjes së Brunilda Halla, 37-vjeçares me origjinë shqiptare, u identifikua dhe u rrëfye në kazermën e Vittoria”, – shkruan Corriere Della Sera.
Karabinierët e Raguzës kanë shfrytëzuar pamjet e kamerave të survejimit publik dhe privat, të marra në më pak se 3 orë nga ngjarja dhe në bashkëpunim me shumë banorë në të njëjtën lagje me viktimën kanë bërë të mundur ndalimin e autorit.
![](https://images2.corriereobjects.it/methode_image/2022/05/26/Interni/Foto%20Gallery/ragusa1_MGZOOM.jpg)
![](https://images2.corriereobjects.it/methode_image/2022/05/26/Interni/Foto%20Gallery/ragusa2_MGZOOM.jpg)
![](https://images2.corriereobjects.it/methode_image/2022/05/26/Interni/Foto%20Gallery/ragusa3_MGZOOM.jpg)
![](https://images2.corriereobjects.it/methode_image/2022/05/26/Interni/Foto%20Gallery/brunilda[1]_MGZOOM.jpg)