Aktorja, Louise Fletcher ka ndërruar jetë në moshën 88-vjeçare. Ish-kolegët dhe fansat i bënë homazhe aktores, duke e cilësuar atë si një “person shumë i mirë”.
Marlee Matlin, një aktore amerikane e shurdhër që ka punuar me Fletcher në Picket Fences, shkroi në Twitter se ajo ishte një “aktore e shkëlqyer” dhe theksoi se ishte e para që përdori gjuhën e shenjave në një fjalim për marrjen e Oskarit. Robert Hewitt Wolfe, një shkrimtar për Star Trek: Deep Space Nine, tha: “Ishte një nder dhe kënaqësi të shkruaja për Louise Fletcher.”
Fletcher nuk ishte e njohur kur u zgjodh për të luajtur rolin e Infermieres Ratched në filmin One Flew Over the Cuckoo’s Nest. Ajo filloi karrierën e saj të aktrimit në vitet ’50. Louse pati një rol në shfaqjen televizive Star Trek: Deep Space Nine. Ajo fitoi nominime për Emmy për filmat Picket Fences dhe Joan of Arcadia. Aktorja u martua me producentin Jerry Bick në vitet 1960, përpara se të divorcohej në vitin 1977. Ajo la pas dy djem, John dhe Andrew.
