Audi do të zëvendësojë së shpejti A3 me një model të ri elektrik

Audi do të lançojë një automjet të ri të vogël elektrik, i cili pritet të “shkelë” në platformën e re të Grupit Volkswagen.

“Ne e kemi vendosur kursin tonë si 100% elektrike,” tha CEO Markus Duesmann në konferencën vjetore të Audi. “Deri në vitin 2027, ne synojmë të ofrojmë një automjet tërësisht elektrik për çdo segment kyç. Së fundmi kemi vendosur të lançojmë një model bazë elektrik shtesë nën Audi Q4 e-tron gjithashtu.” Edhe pse ekzekutivi nuk zbuloi më shumë detaje, modeli i ri pritet të shërbejë si zëvendësues për A3.

EV i ri i nivelit fillestar pritet të ofrohet si një hatchback me katër dyer dhe sedan me katër dyer, dhe do të bazohet në arkitekturën e gjeneratës së ardhshme të Volkswagen SSP (Scalable Systems Platform). VW ka thënë më parë se arkitektura SSP do të përmirësohet shumë mbi platformën aktuale MEB, duke ofruar një distancë deri në 700 km.

Platforma do të jetë gjithashtu e aftë të karikojë deri në 270 kW, gjë që do të lejojë që automjetet elektrike të bazuara në të të kenë një distancë deri në 129 km. autonomi shtesë në vetëm 10 minuta karikim. Audi elektrik i nivelit fillestar do të përfitojë nga teknologjia e re e baterive ‘Unified Cell’ e VW, por do të jetë gjithashtu e pajtueshme me bateritë në gjendje të ngurtë.

Duesmann shtoi se Audi planifikon të zbulojë 20 modele të reja, më shumë se gjysma e të cilave do të jenë plotësisht elektrike, deri në vitin 2025. Zëvendësimi për A3 elektrik të Audi-t ka të ngjarë të pasojë ardhjen e Q6 e-tron, modeli i parë i cili gjithashtu do të bazohet në Platformën Elektrike (PPE).