Bebe Rexha i bashkohet Dua Lipës në Kosovë për ”Sunny Hill Festival”

Shqiptarja Bebe Rexha është në mesin e yjeve kryesorë që do të performojnë në edicionin e këtij viti të ”Sunny Hill Festival”, festival që organizohet nga Dua Lipa në Kosovë. “Jemi shumë të lumtur që këtë vit në mesin e shumë artistëve me nam kemi edhe këngëtaren Bebe Rexha. Talenti i saj i jashtëzakonshëm dhe energjia që Bebe Rexha sjellë në skenë, do e ngjallin edhe më shumë atmosferën e këtij edicionin”, shkruhet në komunikatën e lëshuar nga “Sunny Hill”. Paraqitja e Bebe Rexhës në festival është një moment specifik për skenën vendore muzikore pasi që thekson edhe një herë ngritjen e yjeve shqiptare në skenën globale të muzikës.