Goditet me levë një polic në Gjirokastër.
Mësohet se bëhet fjalë për punonjësin e policisë me iniciale S.M.
Nuk dihen rrethanat e ngjarjes në fjalë. Pritet zbardhja e plotë e ngjarjes.
Burime nga uniformat blu kanë bërë të ditur se, Sokrat Muho ka mbetur i plagosur në kokë, pasi është sulmuar dhe goditur me levë në kokë.
Efektivi i policisë është transportuar në urgjencën e spitalit rajonal ‘Omer Nishani’ në Gjirokastër.
Policia e Gjirokastër/ Informacion paraprak
Rreth orës 12:45, në vendin e quajtur ‘Ura e Lumit’, Gjirokastër, persona të paidentifikuar kanë goditur me sende të forta shtetasin S. M., punonjës policie i DVKM Gjirokastër, jashtë orarit të punës, i cili është transportuar në Spitalin Rajonal Gjirokastër, për të marrë ndihmën mjekësore.
Është identifikuar dhe shpallur në kërkim njëri nga autorët e dyshuar, shtetasi G. Zh.
Në vendngjarje kanë shkuar shërbimet e Policisë dhe janë ngritur pika kontrolli në hyrje dhe dalje të qytetit, me qëllim kapjen e shtetasit G. Zh., identifikimin dhe kapjen e autorëve të tjerë.
