‘’Za me Kaltërinen’’, është formati më i ri i reportazheve që nis sonte në T7, prej orës 21:10, me autore Kaltërina Misinin, përmes së cilave do trajtohen tema sociale, me personazhe të veçanta nga grupe të ndryshme të shoqërisë.
Përpos sfidave, qëllimi do jetë që përmes këtyre storieve të pasqyrohen më tepër jeta e këtyre qytetarëve, që shpeshherë mund të jenë të paragjykuar.
Duke promovuar jetesën e pavarur, vullnetin e madh për jetë dhe të qenurit frymëzuese edhe për të tjerët, Afërdita Haxholli, 42-vjeçare nga Ferizaj u bë pjesë e stories së parë, kështu duke na treguar për realitetin në të cilin jeton, si kryen gjitha obligimet e vetme, e shumë veprime tjera veç me këmbë. Në videon më poshtë mund të shihni se si ajo i përgatit kafen gazetares./Express
