Fier Temperaturat e ulta, kaldajat e sobat nëpër shkolla janë por nuk funksionojnë. Nxënësit ngrohen me rezistenca apo rrezet e diellit pasi janë mbi 30 nxënës në një klasë
Në këto ditë të acarta të dimrit ku temperaturat kanë shkuar edhe në minus nxënësit e shkollave të qytetit Fier kanë sisteme ngrohje por nuk funksionon. Ata janë te detyruar që të ngrohen me rreezet e diellit që hyjnë nëpër klasa, mbipopullinit të klasave apo nëpërmjet rezistencave elektrike që kanë siguruar vetë.
Gjimnazi Janq Kilica ka dy godina me klasa të mbipopulluara. Në godinën e vjetër nuk ka sistem ngrohje por çdo klasë ka rezistencë për ty ngrohur ambienti. Klasat janë të mbipopulluara 30 deri 35 nxënës në klasë.
Godina e re e këtij gjimnazi është me sistem ngrohje kaldajë në koridore e klasa por që nuk janë ndezur e kjo për faktin se bashkia nuk u ka bërë furnizomin me lëndë djegëse naftë.
Në shkollën nëntë vjeçare Naim Frashlri cdo klasë është e paisur me soba por që kto ditë të ftohta nuk janë ndezur na thonë nxënësit të cilët nuk lihen të kontaktojnë me median prej mësuesve dhe punonjësve të shkollës
![](https://alb365.com/wp-content/uploads/2023/02/WhatsApp-Image-2023-02-10-at-13.53.05-2-1024x594.jpeg)
Tjetër situatë në shkollën e mesme profesionale Petro Sota. Kjo shkollë ngrohjen e ka me sistem kaldajash por që janë në gjendje pune, këtë gjë e pohonë drejtoresha e shkollës. Kjo shkollë ka varësi të dyfishtë si nga DAR e Fierit por edhe nga Ministria e Finanacave.
Të ndodhur në kto kushte ku i ftohti ka mbërthyer vendin dhe bashkia nga ana e saj nuk u ka kaluar sasinë e naftës drejtorive të shkollave mbetet që nxëznësit të sigurojnë ngrohjen me rezistenca të siguruara privatisht apo me mbipopullim te klasave dhe me rrezet e diellit në ato klasa që janë nga krahu i diellit.