Ja pse nuk duhet të lini asnjëherë çelësin në bravë përgjatë natës

Shumë njerëz besojnë se lënia e çelësit në bravë gjatë natës i bën ata më të sigurt, por në të vërtetë kjo është një praktikë e gabuar dhe e rrezikshme. Ekspertët e sigurisë nga platforma ‘HomeGo’, e specializuar në sisteme alarmi të lidhura me policinë, paralajmërojnë se kjo sjellje jo vetëm që nuk ndihmon, por mund të lehtësojë punën e ‘hajdutëve’.

Së pari, mbajtja e çelësit në bravë e konsumon mekanizmin e saj me kalimin e kohës, duke ulur efikasitetin dhe qëndrueshmërinë e bravës. Por rreziku më i madh është se nëse dikush përpiqet të hyjë në shtëpi, çelësi i lënë aty bëhet një pengesë, ose më keq akoma, mund të ndodhë e anasjellta që të bëhet një mjet për të lehtësuar hyrjen.

Hajdutët mund të përdorin metoda si klonimi i çelësave me magnet ose teknikën e njohur si ‘vjelja’, ku përdoret një çelës goditës për të hapur derën në mënyrë të heshtur dhe pa shenja thyerjeje. Këto metoda janë veçanërisht efektive kur çelësi është tashmë në bravë, duke ua bërë më të lehtë hyrjen

Prandaj, ndonëse ndjenja e sigurisë që krijon ky zakon mund të duket qetësuese, në realitet ajo përbën një rrezik të fshehur.

Si ta mbani shtëpinë të sigurt gjatë natës:

1.Mos lini çelësa në bravë, mbajini në vende të sigurta dhe larg syve të tjerëve
2.Prisni bimësinë rreth dritareve dhe dyerve për të mos lejuar fshehje të mundshme
3.Vendosni ndriçim strategjik në hyrje, shtigje dhe në oborr
4.Instaloni bravë sigurie dhe përforconi kornizat e dyerve me vida të forta
5.Konsideroni vendosjen e një sistemi alarmi të lidhur me autoritetet

Siguria fillon me zakone të vogla të përditshme. Dhe në këtë rast, heqja e çelësit nga brava mund të jetë një ndër më të rëndësishmet. Syri.net-iefimerida