Friday, June 21, 2024
spot_imgspot_imgspot_imgspot_img
HomeMODËLIFESTYLEJa shteti i ëndrrave, paga minimale është 3000 euro

Ja shteti i ëndrrave, paga minimale është 3000 euro

Një vend ku paga javore është rreth 1000 dollarë, dhe minimumi mujor 3000 euro. Një vend ku borxhi publik është në nivele të ulëta, një shtet social që menaxhon me sukses politikën e tij të imigracionit.

Një vend ku papunësia është në një nivel historikisht të ulët. Një vend ku një sistem shëndetësor efikas ka arritur të zhdukë sëmundjet infektive si rubeola, dhe është në prag për t’u bërë i pari në botë që dërgon në histori një sëmundje tjetër – kancerin e qafës së mitrës.

Imagjinoni një vend të larë me diell gjatë pjesës më të madhe të vitit, ku edhe në muajt e dimrit temperatura rrallë bie nën 10 gradë Celsius. Një vend, qytetet e të cilit duken sikur kanë dalë nga një kartolinë dhe fshatrat e të cilit nuk janë braktisur, por banorë të rinj po shpërngulen.

Ne nuk tregojmë përralla. Një vend i tillë ekziston. Quhet Australi.

Sot, Australia është ekonomia e 12-të më e fortë në botë. Nuk ka pasur recesion për njëzet e shtatë vjet – tre herë më shumë se Gjermania. Australia vazhdon të rritet me ritme solide.

Ka disa arsye për një rezultat kaq pozitiv. Australia është e pasur me minerale, kryesisht hekur dhe qymyr. Ka edhe rezerva të mëdha të gazit, arit, aluminit, nikelit, diamanteve. Për sa i përket tregjeve evropiane dhe amerikane, tregu aziatik është shumë afër.

Gjysma e popullsisë së botës jeton në Kinë, Indi, Azinë Juglindore dhe Jugore. Dhe ka nevojat e veta. Përveç kësaj, Australia është afër Kinës. Dhe ndërsa rritet me shpejtësi, rritet edhe kërkesa për atë që Australia ka me tepricë.

27 vite më parë, kur u përball me një recesion, pushteti vendor nuk hezitoi të zbatonte reformat. Ajo e zhvendosi një pjesë të barrës së pagesës së sigurimeve shëndetësore dhe shpenzimeve të pensioneve në klasën e saj të mesme. Rezultati? Australia nuk po mbytet në borxhin e lartë publik dhe pjesa e kostove të pensioneve sot është gjysma e asaj që vendet e tjera të OECD paguajnë mesatarisht për të njëjtën shumë.

Australia është një demokraci shumë e zhvilluar ku respektohet prona private dhe ushqehet sundimi i ligjit. Korrupsioni dhe ryshfeti nuk janë mënyra kryesore e punës në botën e politikës dhe biznesit, dhe transparenca është një nga shenjat dalluese të qeverisë atje.

Australia gjithashtu ka një nga sistemet më të mira arsimore në botë.

Sigurisht, jeta në Australi ka një anë tjetër, më pak përrallore. Njerëzit mbi të gjashtëdhjetat e kanë ende të vështirë të gjejnë punë. Personat e papunë që jetojnë me një bashkëshort të punësuar nuk kanë të drejtë për përfitime papunësie.

Sektori i IT-së, ndërtimi, bujqësia, blegtoria dhe industria ushqimore vazhdojnë të shohin rritje të lartë, kështu që vendet e punës në këta sektorë janë të lehta për t’u gjetur.

POSTIME TË NGJASHME

LEAVE A REPLY

Please enter your comment!
Please enter your name here

- Advertisment -

NJOFTIME TË NDRYSHME

MË SHUMË LAJME