Korfuz – Jennifer Aniston zgjodhi Greqinë për të kaluar një pjesë të pushimeve verore në gusht pa e ditur askush.
Më konkretisht, aktorja e njohur greko-amerikane ka shijuar pushimet në Korfuz siç u bë e ditur nga një foto e saj.
Menaxheri i njohur Marios Papadatos ka shpërndarë në profilin e tij një foto të Jennifer Aniston duke pirë në një lokal të njohur të ishullit.
Pak ditë më parë na vizitoi Miku më i famshëm”, ka shkruar Marios Papadatos.
Jo të pakta janë rastet që Jennifer Aniston i është referuar publikisht origjinës së saj greke, duke deklaruar se ndihet krenare për rrënjët e saj. Babai i saj, John Aniston është me origjinë nga Chania ndërsa kumbari i saj ishte aktori dhe këngëtari greko-amerikan Telly Savalas.
