Lushnje – Një tjetër krim në familje ka ndodhur në fshatin Remas të Lushnjes. Burime informacioni pohojnë se djali ka vrarë babain.
Viktima është Dhimiter Stasa 85 vjeç. Mësohet se autor i dyshuar është djali i tij Andrea Stasa, i cili nuk është arrestuar ende.
Nga informacionet paraprake prej vëndit të ngjarjes mësohet se dyshohet që djali e ka mbytur babain me duar.
Shkaqet e ngjarjes mësohet te jenë grindje mes viktimës e dy djemve që viktima i ka të sëmurë.mendor. Njëri e ka goditur dhe tjetri e ka mbytur , thonë burime nga vendngjarja
Divjakë
Sot më datë 06.07.2022, është gjetur në banesë pa shenja jete dhe me shenja dhune, shtetasi M. S., 85 vjeç, banues në Remas, Divjakë.
Nga hetimet paraprake autor i dyshuar i vrasjes së 85-vjeçarit dyshohet se është djali i tij, shtetasi A. S., 58 vjeç, i cili dyshohet se për motive të dobëta e ka mbytur.
Eshtë shoqëruar në Komisariatin e Policisë Divjakë shtetasi A. S., dhe po punohet për zbardhjen e rrethanave të ngjarjes.
