FIFA ka zbuluar golin më të bukur në “Katar 2022”, i cili ka marrë më shumë vota nga tifozët. Më saktësisht, janë votuesit në faqet e “qeverisë” botërore të futbollit, ato që kanë bërë zgjedhjen e tyre, duke pëlqyer më shumë realizimin e Richarlison, me roveshatë.
Sulmuesi i Tottenham shënoi golin e parë në ndeshjen ndaj Serbisë, në fazën e grupeve, e cila u fitua nga amerikano-jugorët me rezultatin 2-0.
FIFA shkroi në Twitter: Votuar nga ju dhe vetëm ju: @richarlison97! Goditja e biçikletës (roveshata) është zgjedhur goli juaj (më i bukuri) ‘Hyundai’ i turneut!
