Nisje e trazuar e aventurës në Barcelonë për Robert Lewandowskin, edhe pse në këtë rast bëhet fjalë për çështje jashtë fushës së lojës: sulmuesi polak është grabitur pasditen e sotme.
![](https://lapsi.al/wp-content/uploads/2022/08/lewa-1-300x169.jpg)
Sipas asaj që bën të ditur gazeta spanjolle Sport, dy grabitësit përfituan nga fakti që ish-sulmuesi i Bayern Mynih po jepte autografe në Ciutat Esportiva, qendra sportive e Barcelonës.
Dy personat i kanë hapur derën e makinës në ato momente dhe i kanë vjedhur orën dhe celularin. Sulmuesi polak nuk ka qendruar pasiv, por i ka ndjekur me makinë pa mundur ti ndalojë, më pas në vendngjarje mbërritën edhe dy makina të Mossos d’Esquadra. Agjentët e policisë qëndruan deri vonë për të marrë dëshmitë.