Mbrëmjen e djeshme Athina është tronditur nga një ngjarje kriminale, ku autori që më pas u bë edhe viktimë, është një shqiptar. Nga të shtënat me armë zjarri dy persona humbën jetën, tre të tjerë u plagosën, mes të cilëve dy policë.
Në kryqëzimin e dy rrugëve kryesore në Athinë, drejtuesit e dy mjeteve u përleshën me njeri tjetrin. Shoferi i parë doli nga makina dhe hapi zjarr duke plagosur rëndë shoferin tjetër, i cili ndërroi jetë në spital.
Pas sulmit autori në përpjekje për t’u arratisur grabiti një makinë. Ai ndaloi në një pikë karburanti dhe aty u përplas me patrullën e policisë greke, ndaj të cilëve hapi zjarr, duke lënë të plagosur dy efektivë. Policia iu kundërpërgjigj me armë zjarri dhe e qëlloi për vdekje.
