Kodrat me ullishte në Peshtan të Vogël të Fierit janë përfshirë nga zjarri këtë të shtunë. Flakët kanë përfshirë një sipërfaqe prej 5 ha. Në vendngjarje kanë mbërritur menjëherë 6 mjete zjarrfikëse, të cilat janë angazhuar me efektiv të plotë për shuarjen e flakëve.
Kjo zonë përfshihet pothuajse çdo verë nga zjarret, për shuarjen e të cilave është kërkuar edhe ndërhyrja nga ajri. Aktualisht zjarri është vënë nën kontroll, ndërsa forcat zjarrfikëse ende po punojnë për të shuar të gjitha vatrat.
