Princ Harry po hedh më shumë dritë se si mësoi ndarjen nga jeta të nënës së tij, Princeshë Diana-s.
Në një fragment nga kujtimet e tij të ardhshme, Spare, Duka i Sussex zbulon se Mbreti Charles III ia dha lajmin atij dhe vëllait të tij William, ndërsa ata ishin në Balmoral në Skoci. Princesha Diana – së bashku me të dashurin e saj, Dodi Fayed, dhe shoferin e tyre – vdiqën në një aksident automobilistik në Paris në 1997. Ajo ishte 36 vjeç.
Harry, në atë kohë vetëm 12 vjeç, zbulon se Charles i tha se nëna e tij pësoi lëndime në kokë dhe nuk do të mbijetonte. Harry thotë se Charles iu drejtua atij si “djali im i dashur”, por nuk e përqafoi atë.
“Ajo që mbaj mend me qartësi mahnitëse është se nuk qava. As një lot. Babai im nuk më përqafoi,” shkruan ai në libër. Harry bëri një mori zbulimesh përpara publikimit javën e ardhshme. Princi kohët e fundit pretendoi se William e sulmoi fizikisht, duke e lënë atë të plagosur në shpinë. Sipas tij, situata agravoi pasi Will foli keq për Meghan Markle në 2019.
“Për sa i përket familjes mbretërore, ne nuk po dëgjojmë asgjë zyrtarisht. Ende nuk ka asnjë koment nga Pallati Buckingham. Pasojat e autobiografisë së Harry-t, gjërat që ai tha janë duke u ndjerë qartë. Gjendja shpirtërore në pallat është një gjendje shoku, mosbesimi.Princi William është i shkatërruar nga kjo autobiografi”, u shpreh ekspertja mbretërore Katie Nicholl
