Kourtney Kardashian u martua në Itali me bashkëshortin e saj, Travis Barker, në një fustan të bardhë të krijuar nga “Dolce & Gabbana”. Ndërsa dje, tregoi se fustani i saj u frymëzua nga një set fotografik të Helmut Newton, ku si modele ishte Monica Bellucci dora vetë
Fushata u krijua në vitet ’90 për “Blumarine”.
![](https://telegrafi.com/wp-content/uploads/2023/03/785-0-6419b0fb37ce8.jpg)
Por, sigurisht, fushata nuk ishte e vetmja muzë. Kourt rrëfeu se një tjetër frymëzim lidhej me momentin kur ajo dhe Travis panë videon e “November Rain” nga Guns N’ Roses, një natë para fejesës dhe i thanë njëri-tjetrit se fustani i shkurtër në video duhej të rikrijohej në dasmën e tyre.
![](https://telegrafi.com/wp-content/uploads/2023/03/785-0-6419b0fb83480.jpg)
Një tjetër frymëzim? Vetë Portofino, me energjinë dhe të gjithë pamjen, luajti rolin e vet në krijimin e fustanit.
Më pas, “Dolce & Gabbana” sugjeroi që tatuazhi i Shën Mërisë, që Travis ka në kokë, duhet të ishte po ashtu pjesë e fustanit, menjëherë tingëlloi si diçka shumë speciale për çiftin. Nisur edhe nga kuptimi i tatuazhit, i cili lidhet me familjen, besnikërinë dhe respektin reciprok, sigurisht, duhet të ishte në fustan.
![](https://telegrafi.com/wp-content/uploads/2023/03/skynews-kourtney-kardashian_5782110.jpg)
Pra, me pak fjalë, gjithë këto muza krijuan një fustan fantastik dhe pavarësisht komenteve të shumta, Kourt ishte mëse e kënaqur me përfundimin, citon Anabel.
Kourtney dhe Travis u martuan në maj të vitit të kaluar, pasi u fejuan në vitin 2021. Dasma e tyre në Portofino, Itali, u sponsorizua nga “Dolce & Gabbana”.
![](https://telegrafi.com/wp-content/uploads/2023/03/785-0-6419b121a5f51.jpg)