Florian Marku nuk ka mundur ti mbajë nervat gjatë një interviste para ndeshjes me Dylan Moran. Boksieri shqiptar do të rikthehet në ring më 2 shtator, teksa dje ishte takimi i parë me kundërshtarin për intervistat.
Gjatë një interviste për iFL Tv, Marku është penguar nga boksieri i njohur britanik, Chris Kongo.
“Së pari mund djemtë që të kanë mundur Echo dhe Makinson dhe më pas hajde fol me mua. Tani largohu sepse jam duke dhënë një intervistë. Jam duke dhënë një intervistë”, i ka thënë Marku Kongo-s.
Më pas Floriani i ka dhënë një të shtyrë të fortë, duke “e plasur” në tokë rivalin. Boksieri shqiptar do të përballet më 2 shtator me Dylan Moran, në ndeshjen që do të zhvillohet në Manchester. Gjithsesi duket se ka hapur një luftë me Chris Kongon.`
