Avokati Saimir Vishaj ka bërë një denoncim të fortë duke ndezur kambanat e alarmit për Kolegjin Penal pranë Gjykatës së Lartë.
Me anë të një statusi në rrjetet sociale, Vishaj deklaron se Kolegji Penal po pranon rekurse jashtë afatit 5-vjeçar dhe po prish vendime për të cilët të dënuarit kanë mbaruar dënimet, ose kanë vdekur.
Ai bën paralajmërimin e fortë se së shpejti, të gjithë avokatët do të ngrihen në grevë.
“Çfarë po ndodh me Kolegjin Penal pranë Gjykatës së Lartë?! Po pranon rekurse jashtë afatit 5-vjeçar, po prish vendime për të cilët, të dënuarit kanë mbaruar dënimet, ose kanë vdekur.
Gjykata e Lartë po sfidon gjykatat e shkallëve më të ulëta, duke ceduar edhe në komunikimin e vendimeve, të cilat janë baza për t’iu drejtuar Gjykatës Kushtetuese. Së shpejti, grevë të gjithë Avokatët!”, shkruan avokati.
Ndërkohë, kujtojmë se edhe pak ditë më parë Vishaj denoncoi prishjen e vendimeve që nga viti 2016 e në vazhdim, në dhomat e këshillimit, pa thërritur palët.
https://www.facebook.com/photo/?fbid=4837147183074003&set=a.215177095271058
