Taylor Swift, këngë për prishjen e miqësisë me Blake Lively?

Taylor Swift  ka nxitur reagime me albumin e saj më të ri, “The Life of a Showgirl,” i cili pritet të dalë më 3 tetor.

Por është një titull specifik që ka tërhequr vëmendjen: kënga e gjashtë në album, “Ruin the Friendship”, për të cilën fansat po spekulojnë se mund të jetë një shigjetim ndaj ish-mikes së saj të ngushtë, Blake Lively.

Titujt e tjerë të albumit përfshijnë “The Fate of Ophelia,” “Elizabeth Taylor,” dhe “CANCELLED!”, por është pikërisht “Ruin the Friendship” që ka ngjallur më shumë reagime në rrjete sociale.

Miqësia e gjatë mes Swift dhe Lively ka qenë në qendër të vëmendjes prej dhjetorit 2024, kur aktorja e njohur paditi regjisorin e filmit It Ends with Us, Justin Baldoni, si dhe producentët dhe kompaninë e tij, për ngacmim seksual dhe një “fushatë shpifëse” për të shkatërruar reputacionin e saj — akuza që Baldoni dhe të tjerët i kanë mohuar.

Emri i Taylor Swift u përfshi në këtë betejë pasi ekipi ligjor i Baldonit pretendoi se këngëtarja kishte ushtruar presion ndaj tij për të pranuar ndryshimet që Lively donte të bënte në skenarin e filmit.

Edhe pse padia u hodh poshtë dhe tentativa për ta thirrur Swift në gjyq dështoi, ekipi i Baldonit vazhdoi të kërkonte komunikimet mes Swift dhe Lively.

Në qershor, një gjykatës refuzoi kërkesën e Lively për të mbajtur private këto komunikime, dhe kjo çoi në shtimin e dyshimeve për një prishje të mundshme të miqësisë së tyre.

Reagimet në rrjete sociale nuk vonuan. Një përdorues në X (ish-Twitter), @mynerdyhome, shkroi:
“Kush tjetër mendon se ‘Ruin The Friendship’ dhe ‘CANCELLED!’ janë për Blake Lively?”

Ndërkohë, prezantuesi brazilian Didi Effe ishte edhe më i bindur: “Jam i SIGURT që ‘Ruin The Friendship’ është për Blake Lively.”

Madje edhe Billy Bush, në podcastin e tij Hot Mics, komentoi: “Unë mendoj se ajo do ta ‘godasë’ Blake Lively në këtë album. Pse? Sepse Blake është një ish. Një ish-mikeshë. Dhe Taylor i do këngët për ish-at e saj.”

Në prill, një burim për PEOPLE tha se Swift ishte “thellësisht e lënduar” pas përfshirjes në çështjen ligjore.

Në maj, një tjetër burim tha se miqësia e tyre kishte ndalur përkohësisht, por “nuk ishin armike.”

Në qershor, burimet thanë se po punonin për të qenë “në marrëdhënie të mira,” por miqësia “nuk është më si më parë.”