Detaje të reja nga vrasja e 37-vjeçares Amanda Pushani në Tiranë ditën e djeshme.
Një krim i rëndë që me sa duket në gjenezë ka pasur konfliktet e vazhdueshme për shkak të pijes
Gazetari Igli Çelmeta raportoi për “BalkanWeb” se viktima ishte e alkoolizuar dhe shpeshherë agresive në familje.
Ditën e djeshme mes Amandës (në foto, me flokë të zeza) dhe Marselës ka pasur një përleshje, teksa kjo e fundit më pas e ka qëlluar me thikë.
Fillimisht familjarët e raportuan në polici si vdekje natyrale, por pas autopsisë u zbulua se 37-vjeçarja kishte vdekur për shkak të goditjeve me thikë.
Sipas dëshmisë së 40-vjeçares, e motra viktima kishte shkuar e dehur në shtëpi në momentin që ndodhi krimi dhe kishte disa shishe birrë në dorë. 40-vjeçarja ka deklaruar se ato po debatonin pasi po i kërkonte llogari për gjendjen e saj duke qenë se kishin rënë dakord që s’do pinte më. Sipas 40-vjeçares, vikitima Amanda kishte marrë thikën në dorë dhe duke tentuar t’ia hiqte ajo e kishte qëlluar për vdekje.
Gazetari Igli Çelmeta, në një raportim live në News24, ndau detaje të reja në lidhje me ngjarjen e ditës së djeshme, duke thënë se “Ngjarja e rëndë ka ndodhur pasditen e djeshme. nëna e vajzave. ditën e djeshme ka lajmëruar policinë, ku mësohet se u ka thënë se vajza nuk ndjehej mirë. pas këqyrjes së trupit dhe autopsisë, 37-vjeçarja kishte humbur jetën nga një plagë me thikë në stomak. pas arrestimit të 40-vjeçares, ajo deklaroi se dje kishte pasur një debat me motrën dhe nënën e tyre. sipas autores, motra ka marrë thikë dhe ka tentuar dhe e ka kërcënuar që ta godasë, në arsyet e vetëmbrojtjes e ka qëlluar me thikë. mësohet se më parë ka pasur problematika me viktimën, e cila shkonte në market dhe blinte pije alkoolike”, raportoi live gazetari Çelmeta.
