Kylian Mbappe raportohet se nuk e ka ndërmend të largohet nga klubi në afatin kalimtar të janarit.
Ylli francez u përfshi në sagën e tij të fundit të transferimeve gjatë afatit kalimtar të verës, pasi zbuloi se nuk kishte në plan të zgjaste kontratën e tij aktuale – e cila skadon në verën e ardhshme
Gjithsesi, e ardhmja e Mbappes vazhdon të jetë ende pjesë e spekulimeve, me Paris Saint-Germain që mund ta shohë afatin e janarit si një shans të fundit për të fituar para nga shitja e tij.
Sipas “L’Equipe”, kapiteni i Francës dëshiron të qëndrojë në “Parc des Princes” deri në fund të sezonit, duke përjashtuar kështu mundësinë e largimit muajin e ardhshëm.
Pavarësisht se tregoi një gatishmëri për të qëndruar deri në fund të kontratës, ka ende pasiguri rreth të ardhmes afatgjate të 25-vjeçarit me parisienët.
Fituesi i Kupës së Botës më 2018 vazhdon të lidhet me një kalim te Real Madridi në verën e vitit 2024, si lojtar i lirë.
Ndërsa ekziston besimi se Mbappe do të përfundojë një kalim në “Santiago Bernabeu”, ai ka ende opsionin për të aktivizuar një zgjatje një-vjeçare në kontratën e tij me PSG-në.
Kampionët në fuqi të Francës janë gjithashtu në bisedime të vazhdueshme me përfaqësuesit e lojtarit për një kontratë të re të mundshme.
