Pamje apokaliptike/ Kreta dhe Santorini mbulohen nga pluhuri saharian

Një re mbytëse pluhuri saharian mbuloi ishullin grek të Kretës këtë të mërkurë. Stuhia ka bërë që të anulohen fluturimet pasi erëra të forta kanë goditur bregdetin grek me erëra të forta, duke shkaktuar madje edhe një tornado vetëm disa ditë para pushimeve të Pashkëve.

Destinacioni turistik është mbuluar nga një mjegull e frikshme ngjyrë të kuqe-portokalli pasi pluhuri afrikan përfshiu ishullin, duke e kthyer qiellin në gjendje apokalipsi dhe duke i detyruar aeroplanët të devijojnë drejtimin.

Ndërprerjet e udhëtimeve u përhapën shpejt në aeroportin “Nikos Kazantzakis” të Heraklionit, porta më e ngarkuar e ishullit për turistët, ku dukshmëria ra në nivele të rrezikshme të ulëta.

Deri më tani, 3 fluturime ndërkombëtare janë detyruar të devijojnë në aeroporte të tjera, përfshirë Athinën, Korfuzin dhe Hanian. Midis tyre ishte një fluturim i British Airways nga Londra i cili u ridrejtua për në Korfuz pasi kushtet u bënë shumë të rrezikshme për ulje.

Një fluturim i SKY Express që udhëtonte nga Brukseli u detyrua gjithashtu të devijonte për në Athinë. Në një tjetër aeroplan që ishte nisur nga Mançesteri për në Rodos u ridrejtua në Heraklion.

Zyrtarët thonë se dukshmëria ra në rreth 1,000 metra, një nivel që konsiderohet i pasigurt për uljet e avionëve, duke shkaktuar vonesa dhe ndërprerje operacionale në aeroportin e këtij vendi turistik. Skenat tronditëse u përkeqësuan nga një valë e fortë moti të keq të njohur si “Erminio”.

Një vello e trashë pluhuri ka mbuluar pothuajse plotësisht portin e qytetit, ndërsa ajri është bërë mbytës. Ekspertët thonë se përqendrimet jashtëzakonisht të larta të grimcave të pezulluara e kanë bërë atmosferën të rrezikshme, veçanërisht për banorët dhe turistët e me probleme shëndetësore.

Sipas meteorologëve, nivelet e pluhurit janë rritur në më shumë se 1,000 mikrogramë për metër kub, një përqendrim jashtëzakonisht i lartë. Stacionet rajonale të monitorimit e kanë klasifikuar cilësinë e ajrit si “shumë të dobët” duke e konsideruar si “të pasigurt”.

Autoritetet u kanë kërkuar vendasve dhe vizitorëve në zonë të tregojnë kujdes dhe të shmangin udhëtimet e panevojshme derisa kushtet ekstreme të motit të vazhdojnë. Moti i keq rrëzoi pisha, dëmtoi sera dhe shkaktoi shembjen e një pjese të murit në një fabrikë qeramike.

Dallgë të mëdha u përplasën mbi shtëpitë e bregut përgjatë qytetit të vjetër. Në Hania, shiu i përzier me pluhurin e Saharasë krijoi baltë të trashë që mbuloi shtëpitë, makinat dhe rrugët.

Edhe ishulli ikonik i Santorinit është prekur nga situata. Në të gjithë Greqinë, stuhitë, shirat e rrëmbyeshëm, erërat e forta dhe madje edhe breshëri po shkaktojnë kaos në ditët para fundjavës së Pashkëve.