“Alarm në Gjirokastër: Digjen goma mes lagjeve, banorët mbyten nga tymi ndërsa institucionet heshtin”

Në Gjirokastër, qyteti i mbrojtur nga UNESCO dhe i njohur për vlerat e tij historike e kulturore, një fenomen shqetësues po rrezikon seriozisht shëndetin e banorëve dhe imazhin e këtij qyteti muze.

Në mes të lagjeve të banuara po digjen goma, duke çliruar sasi të mëdha tymi toksik dhe një erë të rëndë mbytëse që ka mbuluar zonën. Banorët raportojnë vështirësi në frymëmarrje, shqetësime për shëndetin dhe një ndjesi të vazhdueshme pasigurie për pasojat afatgjata që kjo ndotje mund të sjellë.

Situata paraqitet alarmante, pasi ndotja e ajrit nga djegia e gomave përmban substanca të rrezikshme që ndikojnë drejtpërdrejt në sistemin respirator dhe mjedisin përreth. Pavarësisht kësaj, institucionet përgjegjëse vijojnë të heshtin, pa marrë asnjë masë konkrete për ndalimin e këtij fenomeni.

Mungesa e reagimit nga organet kompetente jo vetëm që rrezikon shëndetin publik, por dëmton rëndë edhe imazhin e Gjirokastër si një destinacion turistik dhe trashëgimi botërore. Ndërkohë, qytetarët kërkojnë ndërhyrje të menjëhershme për të ndalur këtë ndotje skandaloze dhe për të rikthyer sigurinë në zonat e tyre të banimit.

Pamjet e publikuara flasin vetë dhe dëshmojnë përmasat e problemit, duke ngritur pyetje të forta mbi përgjegjësinë dhe nevojën urgjente për veprim.

https://www.facebook.com/share/v/18FrifZRSC/