Takimi i Ramës me PS/ Ndahen zonat e deputetëve, ja emrat që rikthehen në Tiranë

Kryeministri Edi Rama ditën e sotme ka mbledhur strukturat e PS të Tiranës. Gjatë këtij takimi i cili ishte me dyer të mbyllura është bërë ndarja e zonave sipas njësive.

Kushdo nga ministrat, drejtuesit politik dhe deputetët që janë rezidentë në Tiranë dhe që nuk kanë zgjedhje në qarkun që kanë mbuluar më herët, janë vendosur në Tiranë për zgjedhjet.

Toni Gogu do të mbulojë zonën e Ndroqit, Fatmir Xhafaj njësinë 10.

Blendi Klosi dhe Eduard Shalsi rikthehen në Tiranë vetëm për fushatën për zgjedhjet e 9 nëntorit. Ulsi Manja po ashtu në Tiranë.

Ish-deputeti i PS, Xhemal Qefalia do të jetë i angazhuar në zonën e Dajtit, zonë të cilën e ka pasur më herët.