Emrat/  Plagosja me thikë në Fier, në kërkim autori (video)

Fier – Zbardhet ngjarja e ndodhur pak orë më parë në lagjen “15 Tetori”, Fier, ku u plagos me mjet prerës (thikë) shtetasi Eldi Grëmi 35 vjeç.

Policia ka identifikuar autorin e dyshuar dhe vijon punën për kapjen e tij.

Pas njoftimit se në Spitalin Rajonal Fier është paraqitur i dëmtuar shtetasi Eldi Grëmi, 35 vjeç, i cili dyshohet se ishte plagosur me mjet prerës (thikë) gjatë një konflikti. Shërbimet e Policisë kanë ndërmarrë menjëherë veprime për zbardhjen e rrethanave të ngjarjes.

Si rezultat i veprimeve të shpejta hetimore, pavarësisht mosbashkëpunimit të të dëmtuarit, u bë i mundur identifikimi i autorit të dyshuar.

Policia ka shpallur në kërkim shtetasin Albi K., 25 vjeç, banues në Fier, i cili dyshohet se gjatë një konflikti ka plagosur me mjet prerës (thikë) në pjesën e barkut shtetasin Eldi Grëmi

Vijon puna për lokalizimin dhe kapjen e tij.