Dhu*ë mbi studentët/ Turma të rinjsh iu bashkohen studentëve te Ministria e Arsimit
Revolta në kryeqytet po merr përmasa gjithnjë e më të mëdha. Një grup masiv protestuesish që ndodhej i grumbulluar përgjatë Bulevardit “Dëshmorët e Kombit” u është nisur në marshim të organizuar drejt godinës së Ministrisë së Arsimit.
Të rinjve dhe studentëve që ndodhen të rigrupuar te Rruga e Durrësit po u bashkohet ky lumë i ri pjesëmarrësish, duke e shumëfishuar numrin e qytetarëve në shesh.
Përforcimi i turmës po shoqërohet me thirrje të fuqishme njëzëri kundër qeverisë, ndërsa forcat e policisë po marrin masa shtesë për të përforcuar kordonët e sigurisë rreth institucionit për të parandaluar përplasje të reja.
Ndërsa policia ka dhunuar studentët me shkopinj gome, gaz lotsjellës dhe ujë me presion, shumë prej tyre i janë rikthyer policëve me gurë dhe grushta.
