Këngëtarja e njohur kanadeze, Avril Lavigne është bërë nënë për herë të parë në moshën 42-vjeçare.
Artistja ka ndarë lajmin e bukur përmes një postimi në Instagram, ku ka publikuar edhe fotografitë e para të vajzës së saj.
“Princesha jonë e vogël ka ardhur në jetë”, shkroi Lavigne.
Në njërën prej fotografive, këngëtarja shfaqet duke mbajtur në krahë të porsalindurën, ndërsa në një tjetër shihet dora e vogël e foshnjës e kapur nga duart e prindërve.
Lajmi ka surprizuar fansat, pasi Avril e ka mbajtur larg vëmendjes publike shtatzëninë e saj. Këngëtarja nuk ka zbuluar ende emrin e vajzës dhe as identitetin e babait të saj, ndërsa nuk ka dhënë detaje të tjera për jetën e saj private.
Lavigne ka qenë më parë e martuar me Deryck Whibley, frontmenin e grupit Sum 41, nga viti 2006 deri në vitin 2010. Në vitin 2013 ajo u martua me Chad Kroeger, këngëtarin e grupit Nickelback, por çifti u nda në vitin 2015.
Më pas, ajo ka pasur lidhje të njohura publikisht me Mod Sun dhe reperin Tyga.
Për artisten, e cila ka qenë gjithmonë mjaft e rezervuar për jetën personale, ky shënon një kapitull krejtësisht të ri.
