Sot është nje ditë festive për të gjithë besimtarët bektashian, pasi një pjesë e tyre nisin pelegrinazhin pesëditor në malin e Tomorrit.
Ky mal është i konsideruar “i shenjtë” sepse në të prehet shenjtori i familjes së profetit Muhamed, Abaz Aliu.
Mendohet se teqeja e ngritur pikërisht në Tomorr i përket përjetësimit të figurës së Aliut, i cili besohet se është varrosur pikërisht në Tomorr dhe nën këtë varr, është ngritur edhe teqeja që është ndërkombëtarisht e njohur si “Teqeja e Kulmakut”.
Gjurmët e Abaz Aliut mendohet se janë në disa zona të ndryshme të Shqipërisë: në Çepan, në Shkëmbin e Kanionit të Osumit, në Dardhë të Beratit, në Çuke të Tomorit e deri në Përmet, ku Aliu dhe i vëllai i tij u bë mbrojtës i këtyre zonave.
![](https://i0.wp.com/alb365.com/wp-content/uploads/2022/08/auto_300518669_5496615740382301_5664253034204045082_n1660984799.jpg?resize=696%2C566&ssl=1)
Të gjithë besimtarët dhe pelegrinët i bashkohen kësaj feste të shenjtë dhe në shenjë mirësie bëjnë kurban një qengj për veten dhe familjen. Magjia dhe mistika e majës së Tomorrit tërheq shumë pjesëmarrës në këtë festë, e cila mirëpret jo vetëm besimtarë, por edhe turistë të ndryshëm nga mbarë bota.
![](https://i0.wp.com/alb365.com/wp-content/uploads/2022/08/auto_300096985_5496615933715615_7720267344585856890_n1660984799.jpg?resize=696%2C856&ssl=1)
Më poshtë, paraqitet një pamje nga kjo teqe dhe pjesë nga libri i Ali Tyrabit mbi historinë e bekstashizmit në Shqipëri.