Detektivja e çifteve, Shkënda Lili, ka rrëfyer trendin aktual. E ftuar në një emision televiziv ajo tha se ata nuk preferojnë të shkojnë në hotele si pjesa dërrmuese e qytetarëve, por kanë shtëpi të tjera.“ Ne shikojmë nëse dikush është duke shkuar në ndonjë hotel në periferi të Tiranës.
Personazhet e njohur kanë shtëpi, në hotele shkojnë pjesa dërrmuese e të panjohurve. Janë disa gjëra që nuk i shkel, unë fotografoj, përgjoj , shkoj në ambiente deri kur nuk quhet shkelje privatësie. Janë pak ata që shkojnë në divorc për tradhti, janë një sërë faktorësh të tjerë që ndikojnë”, tha Lili.
Duke theksuar se puna e saj është e bazuar në ligje, duke mos shkelur privatësinë, detektivja tha se ka një grup pune që heton. “Unë dal në ekran, njerëzit më njohin, nuk merrem unë me hetimin, është një grup personash që nuk njihen”, tha Lili.
