Një kamion është përfshirë nga flakët pasditen e sotme në autostradën Fier–Vlorë. Mësohet se kamioni i cili transportonte mallra u përfshi nga flakët pranë fshatit Panaja.
Mësohet se kanë mbërritur forcat zjarrfikëse në vendngjarje, ndërsa për momentin është i bllokuar trafiku në këtë aks. Dyshohet se zjarri ka ndodhur për shkak të një shkëndije elektrike, ndërkohë që policia po punon për zbardhjen e plotë të ngjarjes.
